Болашақта «AS Logistic» өз шекарасын кеңейтіп, уақытша сақтау қоймасын (УСҚ) салу үшін жаңа аумақ сатып алуды жоспарлап отыр. Қазіргі уақытта мұндай қойма Павлодар облысының аумағында үлкен сұранысқа ие.
Тауарлар кеден органына ұсынылған сәттен бастап, олар кедендік бақылаумен арнайы жабдықталған үй-жайларда уақытша сақталуы мүмкін. Мұндай үй-жайларды уақытша сақтау қоймалары (УСҚ) деп атау қалыптасқан.
Қолданыстағы заңнамаға сәйкес, кедендік бақылаудан өтетін барлық жүктер дәл осы қоймаларға орналастырылуы тиіс. Біз өз клиенттерімізге УСҚ жалдау бойынша ең тиімді бағалармен қызмет ұсына аламыз.
- Жүктерді, контейнерлерді, вагондарды қабылдап алу (раскредитование) және құжаттарды ресімдеу.
- Контейнерлерді, автомобильдерді, арнайы техниканы және әртүрлі жүктерді сақтау.
- Вагондар мен контейнерлерді ресімдеу, АЖ БЖЖ (АСУ ДКР) жоспарларын келісу, теміржол жүкқұжаттарын толтыру, теміржол кодтарын төлеу.
Ауыр жүк көліктеріне арналған алаң.
«AS Logistic» ЖШС «Ақылды элеватор» — астық пен майлы дақылдарды қабылдау, тазарту және кептіру бойынша автоматтандырылған кешен салуды жоспарлап отыр. Элеватордың қуаттылығы бір мезгілде 30 мың тоннаға дейін астық сақтауға мүмкіндік береді.
Процестерді автоматтандыру арқылы астық қабылдау жұмыстары жеделдей түседі. Сонымен қатар, «ақылды элеватор» зертханамен жабдықталады, онда түскен шикізаттың сапасы санаулы минуттарда анықталады. Осыдан кейін астық ағынмен сақтау қоймасына жіберіледі, онда сақтау үшін оңтайлы климат жасалады. Көліктің жүкпен бірге салмақ нормасын бұзбауы үшін элеваторда астықты автомобильдерге тиеу автоматты түрде реттеліп отырады.
Кәсіпорын аумағында автомобиль және теміржол бағыттары бар, соның арқасында біз ауыл шаруашылығы өнімдерін қабылдай да, жөнелте де аламыз.
Элеватор өнеркәсібінің бұл эталондық жобасы тек Павлодар облысы мен бүкіл республиканың ғана емес, сонымен қатар жақын шетелдердің ауыл шаруашылығы тауар өндірушілері үшін жақсы мүмкіндіктер ашады.
«AS Logistic» ЖШС өз клиенттеріне кез келген түрдегі және өлшемдегі контейнерлерді терминалдық өңдеу және сақтау қызметтерін ұсына алады. Терминалдың жалпы ауданы 38 000 шаршы метрді құрайды.
Компания терминалы рельстік жолмен жүретін контейнерлік кранмен, сондай-ақ барлық қажетті мамандандырылған техникамен, заманауи жабдықтармен, білікті қызметкерлермен және кәсіби тәулік бойғы күзетпен жабдықталады.